الخميس، ديسمبر 08، 2011

ارحم ربيبك يامعلم

سيد الوزير المعلم تجاهل مايجدث في سوريا علي الشاشات وكان الناس لاتري شيئا

يامعلم
ارحم ربيبك يا (معلم )
وارضي بواقعكم وسلم
دعه يطير بوجمم
ام مل يسرك ان يدمدم ؟
مازلت ترجف كاذبا
مازالت تبكي عاتبا
ايمان شعب قد تكلم
ارحم ربيك وارعوي
اياك حرقة من تالم
يالست ممن داسه شعب ...تعلم

ياايها البطن الذي فيه تكلم
لم يقمع الشعب الحديد
تعلقونه في كل جيد
وتكبلون لساننا مثل العبيد
وظهور احرار تغير لونها
من فرط سوط يرتوي بدمائها زمن مديد
ان مات سوط من كثير عذابها
بالسحر ينبت مثلها الف جديد
اليوم تبدا من كلامك ماتعيد
لن ينفع (البشار) ذاك وماتجيد

اني اري عينيك تقطر بالخداع. وجه كالجليد
في شاشة وكانك الغر البليد
وتجيب اسئلة اعدوها لكم
وشفاه مسرعة. كانها قول سديد
وتهدد الدنيا بانك قادر
. و.عدو شبلك غادر
وبان شبلك ذا المنزل فوقنا ....رب مجيد

انسيت ياعبد الاسد
ياصاحب الهر الذي
كم بالاسوده كم وعد
فتراه يبلع ماوعد
كالكلب يلهث ان راي الاعداء
والاوطان ياكلهاكيربوع وفهد
يحميه جيش من مسد
لا ال. لا. لا ذمة في دم بنت او ولد


انسيت ان الشعب ان خرجت جحافله
فان الشعب ينفذ ما وعد

انسيت ياذا البطن انك ميت
والله حق و ما اعد
وانه سبحانه فرد صمد
وستوقفون امامه ولكل عبد ماعبد
الظالمين بظلمهم بقرنين بمن سند



يابشار

يابشار

ياسارق السلطان والاوطان
وتظن انك بدعة الرحمن
اوقد حباك الله انت بحكمها؟
وبمثل رسمك خصص القران؟
ياموغلا في المكر والتدلس
وكانه النبراس للشيطان
يارئدا في القمع والتكبيل
يامبدعا في السجن والسجان
اسال حماه وكل شبر بعدها
ابمثل قهرك تشهد الازمان؟
ياغاصبا للحق ياشبلا ... اري
قد كان ربك حارق الاوطان
الشعب يا(بشار)يهدر فوقكم
طوفان سخط يمتطي طوفان
ان يخدعوك بان شعبك راضيا
فهو السراب باعين الظمان
ان الذي غني بانك فارس
يدري بانك اجدع الخرفان
وربيب عزك اذ يريد بشارة
يخفي دليل القبر والاكفان
حكم تصدع لن يطول بقاءه
بزوال حكمك اذن الاذان
ولئن عفيت اليوم قبضة قاتل
فبمثل سنك يحفل الليمان
كانوا رؤوس الناس في زمن
اسد هووا فتحولوا الجرزان
ان( المبارك )و(القتيل) و(بن علي)
في مثل غيك امعنوا امعان
لما اراد الله بالناس رحمة
من بعد ملك اصبحوا قد كان

الاثنين، أبريل 20، 2009

ملحمة عمدة بلدنا ( العمل كامل )

ملحمة عمدة بلدنا الجزء الاول
جناب العمدة

من جد جد الجدود حدانا ف البلد عمدة
اديلو سنين
الكنية عمدة والسحنة اشكال والطبع بطال
كما السابقين
فرعون وقراقوش ابوخالد وخرباوي
وزفت الطين
سلسال نكد ع البلد حالف يخربها
دنيا ودين
البطن تقلب تجيب خايب وتتعدل
تجيب ناصحين
وام عمدة بلدنا ما تقلبش و مبتجبش
غيرالفاسدين
عاشرت منهم ثلاثة سيرتهم غم تملا
الدنبا والدواوين
واحد دماغه حجر عدو ا لناس
وضيعنا شمال ويمين
والثاني مكار ف حضن الكفر باع
الارض ويا الدين
وضد الناس ركب راسه عمل فيها
ابو التفانين
واللي عليه الرمق طلع مجرور
ومخه تخين
كبر بطون الغفر تحميه وساب
الزرعه والدكاكين
كانه كلب العدا يحرس ويتمأسد
علي المساكين
ومجلس الحكم عنده مبيلمش
غير الواطيين
الكفر محطوط ف كفة اصاد العمدة
والعشرين
لاجل النصيب وقع عمدتنا
والرجال قاعدين
مليون سلامة الندامة
يابو السلاطين




الجزء الثاني
سلامتك ياعمده
ولما كان عمدة بلدنا راجل كبير وبيتعب وبيسهر علي مصلحة البلد واهلها المتعبين النكدية وقع في مجلس العمدية والخبر لف البلد وكان لازم اروح ازور العمد زي كل الخل واواسيه واقول له سلامتك ياعمده

سلامتك ياعمده وسلامة مقامك
يغور اللي يحلم يكسر كلامك
وتسعد وتبقي وتركب وتعلي
ويطول ف عمرك لانك فطين

نموت وانت تحيا
ونفديك بروحنا
نجوع وانت تشبع وتفضل تخين

نموت غراقانين
نموت محروقين
ف داهيه مدام انت راجل حصين

ونذهب وتبقي
ونغرق وتعلي
مفيش حد غيرك يكيد السنين


وناكل بصارة
ونركب حماره
وعيش انت واهلك ياابو السلطين

دا وضعك طبيعي
وفقري بايدي
براحتك ياسيدي وانا اكح طين


وتامر وتنهي
ونسمع كلامك
كانك خليفة امير مؤمنين

تصرف امورنا
بيوتنا وعيالنا
ولالينا خيرة مااحنا صغيرين

حريمك تشرع
والاشناب تقرع
واحلي قانون بايد نسوين

وبدل وغير
قانونك يحير
هنبصم عشانك بكل الايدين

ولايوم هنزعل
ونرضي خصامك
فيش ظهر فينا من السابقين

وتقعد ف دارك
وتحكم عيالك
خفيرك يكسر دماغ التخين

ويقدر ياسيد
ياخدني ف حديد
بامر الخواجة و سجنك امين

ياشاطر ف كارك
معلم عيالك
تموت وانت ضامن ربطنا ف مين

جمالك) ياعمده
ملا كل حته وعند الفرنجه
وعند الاعادي مكانك ثمين

(نضيف )هوه مخك
يامغرقنا (عزك )
ومجلس (سرورك) رضا السامعين

ووزع مراكز
كتير اللي حاجز
راضيهم ياعمدة دي ناس محرجين



تفض البلاوي
عدو الرشاوي
تخلص شراوي بلاد ولا طين

وناس يبعتوك
تراضي اخوك
بكلمه ف ودنه دماغه تلين

وتقفل بيبانك
وغيطك وحانك
ف غار ه جرانك عيال عصيانين

واخوك علقوه
ودار خربوه
وانت اللي واخد رضا هم يازين

وللزول محاكمة
وبيته ف ازمة
حبيبي يشاطر ف غض الجبين

سلامتك ياعمده وسلامة جيرانك
يغور اللي يحلم يكسر كلامك
وتسعد وتبقي وتركب وتعلي
ويطول ف عمرك لانك فطين
الجزء الثالث من ملحمه عمده بلدنا


وريث العمده

عزا كبير ف البلد كل اللي فيه بهوات
وفيه مشايخ عرب لابسين عمم برباط
بيعزي واحد بعين واحده وفيه خواجات
لافيه دموع ع الخدود لكن زعاق وصوات
لا وليه قالت ياجملي , ولا سمعنا عياط
وناس تجرجر شيخ عليه عمه ومفيش عبايات
وشكله مش عايز يفرا علي اللي مات
بالعافية بالذوق راح تقرا ياشيخ شحات
وهلف ماسك عصاية بيلطم الستات
وناس بترمي سواد ع العشة والعمارات
القصد من غير اسف عمدة بلدنا مات

ف الدار مفيش شكل موته والوضع مش معقول
والنعش فاضي هتدفن ايه ياشيخ بهلول
قاللي ده وضع العمد باين عليك مخبول
العمده مات من زمان من غير ماحد يقول
والست ماسكه البلد الحول يجر الحول
ولما كبر الوريث واجب بقي تعلن
( العمده مات يابلد), شكل الولد مقبول

يعني الكلام اللي داير ف البلد مليان
ان السياده وقع ( والعمده كان عيان )
علشان كده الواد ابنه دايما مع الاعيان
وهوه مبيقعدش زي العاده في الديوان
ولسه هاشرح كلامي كام دقيقه كمان
الا وناس مخبرين جامدين كما الحيطان
بقوا يطلعوا م الارض والبيبان وم الجدران
وبينزلوا م السما هاجمين كما الطوفان
ماسكين ف ايدهم دفاتر وكام مرشد علي العنوان
و كل دفتر فيه التهمه واسم القاضي والسجان
*انت كتير الكلام ف الشارع وف الغيطان
*وبزعج الناس وساكتين لك بقالنا ىزمان
*ومعانا شكوي وتوقيع خمسميت عيان
*ف الصورة مرتك ملطمتشي مع النسوان
*وانت معيطش علي العمده با شيخ شعبان
*انتو اللي غير البلد فيكم زياده لسان
*والشعب برده غلط لما طلع له ودان

وفر مني خيالي بيرجع اللي فات
بر ده جنازة كبيره زي النهار ده مات
فرضو علينا البكا واللطم والاهات
واللي مليح في النواح ياخذ عشر درجات
ومشينا بالنعش فاضي مسافات علي مسافات
وكتير بياخدوا العزا شنبات بدون مقامات
وستة مليون صنم مبدورة ف الطرقات
صورة الكبير ف البيوت والجيب كما البطاقات
مكتوب عليك بالعصا تبكي علي اللي مات


واتسلم الحكم للمخلوف ف مجلس عام
من حق مين يعترض ؟كل الكبار اختام
العمده شكله صغير لكن صنايعي كلام
يضحك ويبكي ويوعظ بالانجيل وبالمصحف كانه امام
فيه ناس كتيره ياحسره عاشت علي الاوهام
واللي معاه ف المجالس بالقرش بقوا خدام
واللي عينيه ع الحقيقه مرغم يبيعها بكام
واللي رفض ينطوي له ,نكدي وابن حرام
يلعب به اصغر غفير ويلبسوله خطام



والشبصاحب مزاج وارث و ابو السلطين
ووارث المخ عن والده وشب فطين
يشهد له شيخ البلد والرجال قاعدين

ويفكر العمدة ف الشله اللي مش ساكتين
ايه يعني فيها عرايا ايه يعني فيه مساكين
ايه يعني ناس مشتهيه عايشين ومش عايشين
ايه يعني شبان تدور شغل مش لاقيين
بيبصوا دايما علي الاحوال ومش راضيين
ابويا قسم كده والارض ورد وطين


جمع شويه غناي وكبارصحابه كاس
ايه العمل ف البلد دي دبروني ياناس
انتو اللي عينكم ملانه وهتخدموا باخلاص
عايزين نعيش ف البلد ما فيناش لوجع الراس
بينهم كبير من سنين لكل عمده مداس
قاله بسيطه ياعمده ادعي للوالد
سابلك شويه ورق للحكم ف الكراس

البطن مفتاح ياعمده . املاها تعمي العين
وزع شويه دقيق ولحمه ع المساكين
تلقي البلد تدعيلك بالستر دنيا ودين

وكام وظيفه خفيفه سيبها للعاطلين
تلقي السهاري بتكتر ع القهوة والدكاكين
والصيت يلف البلد دا الشغل بالملايين
الناس تغني بكرمك واللي يراجع مين

وانت كبير ف الكلام قول( الجيران حلوين )
وافتح عليهم طريق قيمة كده شهرين
وبعدهااقفل ياسيدي اللي يحوشك مين
نحرج عيال المساجد اللي مش نايمين
بالليل بيدعوا عليك وبالنهار سارحين
بيلسنوا ف الجوامع دايما ومش قاعدين

شيخ الغفر والحكيم وعامل التموين
وخضير بتاع الزراعه وكام شوال فاضيين
نقول عليهم ديابه ونقول عيال واطيين
سرقوا فلوس الناس لعبوا شمال ويمين
لمن يغوروا ف داهيه الناس دماغها يلين
ويقولوا مااحلي ولد و شديد علي الظالمين

العمدة زي الجدع قام نفذ المطلوب
نفسه يكون بالاونطة ف البلد محبوب
دور دماغ الناس والوضع بقي مقلوب
الكدب زي القمر والحق بقي محجوب
قالوا ده عمده عسل هوه ده المطلوب
خلي الي قبلك يغور كان ثايل مكلوب
بالدم نفديك ياعمده ياللي مفكش عيوب

بس اللي حب البلد فاهم الملعوب
يندب ياحسرة علينا دا الضنا مكتوب
راحت كرامة البلد ف الدنيا مش محسوب
م الفرد والقرد ياحسره بقي مغلوب
الناس بتاكل سلف والجيب فضل مخروب
والدين يزيد ع البلد والقفا مضروب
والشعب من غير جنايه م الغفر مركوب


http://shabanashor.blogspot.com/
















الجمعة، أبريل 10، 2009

الجزء الثالث من ملحمة عمدة بلدنا



الجزء الثالث من ملحمه عمده بلدنا


وريث العمده

عزا كبير ف البلد كل اللي فيه بهوات
وفيه مشايخ عرب لابسين عمم برباط
بيعزي واحد بعين واحده وفيه خواجات
لافيه دموع ع الخدود لكن زعاق وصوات
لا وليه قالت ياجملي , ولا سمعنا عياط
وناس تجرجر شيخ عليه عمه ومفيش عبايات
وشكله مش عايز يفرا علي اللي مات
بالعافية بالذوق راح تقرا ياشيخ شحات
وهلف ماسك عصاية بيلطم الستات
وناس بترمي سواد ع العشة والعمارات
القصد من غير اسف عمدة بلدنا مات

ف الدار مفيش شكل موته والوضع مش معقول
والنعش فاضي هتدفن ايه ياشيخ بهلول
قاللي ده وضع العمد باين عليك مخبول
العمده مات من زمان من غير ماحد يقول
والست ماسكه البلد الحول يجر الحول
ولما كبر الوريث واجب بقي تعلن
( العمده مات يابلد), شكل الولد مقبول

يعني الكلام اللي داير ف البلد مليان
ان السياده وقع ( والعمده كان عيان )
علشان كده الواد ابنه دايما مع الاعيان
وهوه مبيقعدش زي العاده في الديوان
ولسه هاشرح كلامي كام دقيقه كمان
الا وناس مخبرين جامدين كما الحيطان
بقوا يطلعوا م الارض والبيبان وم الجدران
وبينزلوا م السما هاجمين كما الطوفان
ماسكين ف ايدهم دفاتر وكام مرشد علي العنوان
و كل دفتر فيه التهمه واسم القاضي والسجان
*انت كتير الكلام ف الشارع وف الغيطان
*وبزعج الناس وساكتين لك بقالنا ىزمان
*ومعانا شكوي وتوقيع خمسميت عيان
*ف الصورة مرتك ملطمتشي مع النسوان
*وانت معيطش علي العمده با شيخ شعبان
*انتو اللي غير البلد فيكم زياده لسان
*والشعب برده غلط لما طلع له ودان

وفر مني خيالي بيرجع اللي فات
بر ده جنازة كبيره زي النهار ده مات
فرضو علينا البكا واللطم والاهات
واللي مليح في النواح ياخذ عشر درجات
ومشينا بالنعش فاضي مسافات علي مسافات
وكتير بياخدوا العزا شنبات بدون مقامات
وستة مليون صنم مبدورة ف الطرقات
صورة الكبير ف البيوت والجيب كما البطاقات
مكتوب عليك بالعصا تبكي علي اللي مات


واتسلم الحكم للمخلوف ف مجلس عام
من حق مين يعترض ؟كل الكبار اختام
العمده شكله صغير لكن صنايعي كلام
يضحك ويبكي ويوعظ بالانجيل وبالمصحف كانه امام
فيه ناس كتيره ياحسره عاشت علي الاوهام
واللي معاه ف المجالس بالقرش بقوا خدام
واللي عينيه ع الحقيقه مرغم يبيعها بكام
واللي رفض ينطوي له ,نكدي وابن حرام
يلعب به اصغر غفير ويلبسوله خطام



والشبصاحب مزاج وارث و ابو السلطين
ووارث المخ عن والده وشب فطين
يشهد له شيخ البلد والرجال قاعدين

ويفكر العمدة ف الشله اللي مش ساكتين
ايه يعني فيها عرايا ايه يعني فيه مساكين
ايه يعني ناس مشتهيه عايشين ومش عايشين
ايه يعني شبان تدور شغل مش لاقيين
بيبصوا دايما علي الاحوال ومش راضيين
ابويا قسم كده والارض ورد وطين


جمع شويه غناي وكبارصحابه كاس
ايه العمل ف البلد دي دبروني ياناس
انتو اللي عينكم ملانه وهتخدموا باخلاص
عايزين نعيش ف البلد ما فيناش لوجع الراس
بينهم كبير من سنين لكل عمده مداس
قاله بسيطه ياعمده ادعي للوالد
سابلك شويه ورق للحكم ف الكراس

البطن مفتاح ياعمده . املاها تعمي العين
وزع شويه دقيق ولحمه ع المساكين
تلقي البلد تدعيلك بالستر دنيا ودين

وكام وظيفه خفيفه سيبها للعاطلين
تلقي السهاري بتكتر ع القهوة والدكاكين
والصيت يلف البلد دا الشغل بالملايين
الناس تغني بكرمك واللي يراجع مين

وانت كبير ف الكلام قول( الجيران حلوين )
وافتح عليهم طريق قيمة كده شهرين
وبعدهااقفل ياسيدي اللي يحوشك مين
نحرج عيال المساجد اللي مش نايمين
بالليل بيدعوا عليك وبالنهار سارحين
بيلسنوا ف الجوامع دايما ومش قاعدين

شيخ الغفر والحكيم وعامل التموين
وخضير بتاع الزراعه وكام شوال فاضيين
نقول عليهم ديابه ونقول عيال واطيين
سرقوا فلوس الناس لعبوا شمال ويمين
لمن يغوروا ف داهيه الناس دماغها يلين
ويقولوا مااحلي ولد و شديد علي الظالمين

العمدة زي الجدع قام نفذ المطلوب
نفسه يكون بالاونطة ف البلد محبوب
دور دماغ الناس والوضع بقي مقلوب
الكدب زي القمر والحق بقي محجوب
قالوا ده عمده عسل هوه ده المطلوب
خلي الي قبلك يغور كان ثايل مكلوب
بالدم نفديك ياعمده ياللي مفكش عيوب

بس اللي حب البلد فاهم الملعوب
يندب ياحسرة علينا دا الضنا مكتوب
راحت كرامة البلد ف الدنيا مش محسوب
م الفرد والقرد ياحسره بقي مغلوب
الناس بتاكل سلف والجيب فضل مخروب
والدين يزيد ع البلد والقفا مضروب
والشعب من غير جنايه م الغفر مغلوب

/















الخميس، نوفمبر 27، 2008

الامان في بلاد العرببان

الامن والامان في بلاد العربان

ابكي علي اللي راح يابلادي ولا ابكي علي حالي
وانا حالي داب ف اللي راح واللي راح غالي
ابكي الامن اللي ضاع بايد اصحابه ف جواري
والخوف معشش في قلب الطفل و ف داري
والنوم وستر الصبايا و الاهل ضاعت واسرار ي
لا باب بيسترولا الترابيس بتحمي الناس ياناري
انام بعين وحدة زي الديب اويكسروه علي عيالي
وشب مفروض انه يحميني مفتون بيقل مقداري
من غير ما يحتاج دليل تهمة بياخد كد مشواري
محبوس بتهمة (شريف) والدليل راسي وافكاري

ابكي علي حكومة بتترمغ ف دهبية بدون احساس
غايبين ف دنبابعيد عنا فلوس بزنس و لولي وماس
وجوع كبير من سنين مسعور بياكل في بطون الناس
فين الامانة والشهامةوالعمل و فين العلم والاخلاص
فين لما باعوا الارض ويا االدين بدون احساس
وفرطوا ف الخيروخانوا الناس وباعوالليهود الغاز
ورئيس بلد جوة البلد وكانه براها ف برج ازاز
كلامه غريب عن الحالة ومش مفهوم يشل الراس
نسمع ونقري عن حكام يحطوا للحضارة اساس
واحنا اللي حكامنا بيفتحوا محطات المجاري باناس

وابكي علي دين السلامعايش في ارضه غريب
نجري ورا كل ناعق بيرفع اسم الغرب والتغريب
تفتح له كل المحافل ويتكلم ف اسياده كبير وخطيب
مرفوع علي الراس ويمكن هوه في الحقيقة ديب
تاهت خطاوي الناس عشرة تخيب وواحدة تصيب
وولاد تتوه والصبايا ماتعرفشي الصحيح م العيب
ونعيش بتشريع بايد الناس يخرب ف الذمم تخريب
ونسيوا شرعك ياربي ياصالح للوجود وطبيب
ابكي وانا يا اسجد يا اعيش فيها كاني غريب
وانا والله ما اسجد ولو بالسيف لغيرالله اعز حبيب
















الجمعة، نوفمبر 07، 2008

انت في بلد عربية


لما يكون الدمع دم ارخص ميه
وتذوق مرار الجوع ف ارض سخيه
والكل وسط الريح وراس محميه
واللي حاميك هواللي شر بليه
لاجل العدا يرميك بالف قضية
ومداس يدوس ع الناس مفيش وطنيه
وتنام تقوم محبوس ملكش قضيه
اعرف بانك في بلد عربية
!
حاكم عربي

لما تشوف راجل بطينــــي وقربــي بيضيع الثروة وخيبة وخربـــي
راضي هوان الناس ويرضي سيده وسيده شراني وندل ودمــــــويـ
لما يشوف الخير لاهله يســــــــيه ويوزع الاحران وغم ونكــــــدي
غاوي يخون الجار ويعشق جوعه كداب ف قول كله لصالح بلـــدي
يحبس خيار التا وما يسمع رجــــا يلوي دراع الحق جلف وعندي
ويعض ف الكرسي سنين مايســلم ويقول دا من حقي وميراث ولدي
لما يخلي الكون ف وشك ديـــــــق يبقي اللي قدامك دا (حاكم عربي)
هو ده التوريث


ان شفت مره اهل دوله ف كيس
مكتوب عليه( مفروز وناس بلاليص )
يعني مفيش فيهم رجا ولا قيمة
ولا حصلوش عيل يشيل كراريس
وكبير عجوز بيسندوه ويودع
عمال يهجص ف القانون تدليس
وتشوف ولد عليل قاعد مستني
بيجهزوه مبسوط كانه عريــــــــس
وتشوف حكومه قاعده مستنيه
تسجد وتركع حتي لو ابليـــــــــــس
اعرف ياصحبي ان دي امتنا
واللي انت شايفه هو ده الـــــوريث






الاثنين، أكتوبر 27، 2008

شريك ف العليقة

شريك ف العليقة


مكروب ومركوب ولازم يوصل المشوار
مكتوب عليه الشقا والمر ليل ونهار
والدين لاهل الزريبه خلا ليله نهار
احوال تسم البدن منها الحليم في حيار
حالة الزريبةعدم وماشيه بالمندار
وحميربترسم خطط و الحاله فيها دمار
م الفقر خلو العليقة ف الزريبة ادوار
حتي الطابورع المخاول فيه فاقوس وخيار
ممنوع بهيم يشتكي او للدريس يختار
والبغل حاكم الزريبة بالحديد والنار
حواليه شوية ديابه ليهم نياب واضفار
باعو حيطان الزريبة حتي ثمنها طار
وحتي جاز الزريبة ادوه لاوسخ جار
والفار يجر الحديد بيطلعه بره
يديه لخنزير بيعمل ع الاسودة جدار
ومعدش فيها امان من كثرة الشطار
واللي عليه الحراسة قام غير الادوار
ساب الغنم للديب وقعد يبيض افكار
لكل واحد خطام مجرور ورا جرار
ولكل جرارخطام مجور ورا جرار
والبغل حتي ف خطام مجرور ورا جرار
هوه وجيرانه الكباربتجرهم معزة
سود ة زرايبي بهره لكن بدون جرار
لكن خطام الكبار اصله مهوش باين
يمكن خطامهم خصوصي بيعملوا سحار

ورق حالي لصحبي قوم بكيت منه
طبطب عليه وقالي انت احسن جار
ابكي علي حالك ما انت برضه .........
الفرق بس العليقة بتعملوها بيصار









































































انت في بلد عربي

انت في بلد عربية


لما يكون الدمع ارخص ميه
وبيدوا دمك لليهودي هدية
وتذوق مرار الجوع ف ارض سخيه
والكل وسط الريح وراس محميه
واللي حاميك هواللي شر بليه
لاجل العدا يرميك بالف قضية
ومداس يدوس ع الناس مفيش وطنيه
وتنام تقوم محبوس ملكش قضيه
اعرف بانك في بلد عربية

هوده التوريث

هو ده التوريث


ان شفت مره اهل دوله ف كيس
مكتوب عليه( مفروز وناس بلاليص )
يعني مفيش فيهم رجا ولا قيمة
ولا حصلوش عيل يشيل كراريس
وكبير عجوز بيسندوه ويودع
عمال يهجص ف القانون تدليس
وتشوف ولد عليل قاعد مستني
بيجهزوه مبسوط كانه عريــــــــس
وتشوف حكومه قاعده مستنيه
تسجد وتركع حتي لو ابليـــــــــــس
اعرف ياصحبي ان دي امتنا
واللي انت شايفه هو ده الـــــوريث

الحاكم العربي


حاكم عربي

لما تشوف راجل بطينــــي وقربــي بيضيع الثروة وخيبة وخربـــي
راضي هوان الناس ويرضي سيده وسيده شراني وندل ودمــــــويـ
لما يشوف الخير لاهله يســــــــيه ويوزع الاحران وغم ونكــــــدي
غاوي يخون الجار ويعشق جوعه كداب ف قول كله لصالح بلـــدي
يحبس خيار التا وما يسمع رجــــا يلوي دراع الحق جلف وعندي
ويعض ف الكرسي سنين مايســلم ويقول دا من حقي وميراث ولدي
لما يخلي الكون ف وشك ديـــــــق يبقي اللي قدامك دا (حاكم عربي)