عمدة بلدنا مات
عزا كبير ف البلد واتجمعوا البهوات
لافيه دموع ع الخدود غيرش زعاق وصوات
لا وليه قالت ياجملي , ولا سمعنا عياط
وناس تجرجر شيخ عمه وجوز عبايات
بالعافية بالذوق راح تقرا ياشيخ شحات
وهلف ماسك عصاية بيلطم الستات
وناس بترمي سواد ع العشة والعمارات
القصد من غير اسف عمدة بلدنا مات
ف الدار مفيش شكل موته والوضع مش معقول
والنعش فاضي هتدفن ايه ياشيخ بهلول
قاللي ده وضع العمد باين عليك مخبول
العمده مات من زمان من غير ماحد يقول
والست ماسكه البلد الحول يجر الحول
ولما كبر الوريث واجب بقي تعلن
( العمده مات يابلد), شكل الولد مقبول
يعني كلام بن عيسي صح ف المليان
لما لسانه زلف ( والعمده كان عيان )
الا وناس مخبرين جامدين كما الحيطان
لازم تبطل كلام هنا وف الغيطان
دا انت معيطش علي العمده با شيخ شعبان
ف الصورة مرتك ملطمتشي مع النسوان
انتو اللي غير البلد فيكم زياده لسان
والشعب برده غلط لما طلع له ودان
وفر مني خيالي بيرجع اللي فات
بر ده جنازة كبير زي النهار ده مات
فرضو علينا البكا واللطم والاهات
واللي مليح في النواح ياخذ عشر درجات
ومشينا بالنعش فاضي مسافات علي مسافات
وكتير بياخدوا العزا شنبات بدون مقامات
وستة مليون صنم مبدورة ف الطرقات
صورة الزعيم ف البيوت والجيب كما البطاقات
مكتوب عليك بالعصا تبكي علي اللي مات
واتسلم الحكم للمخلوف ف مجلس عام
من حق مين يعترض كل الكبار اختام
العمده شكله صغير لكن صنايعي كلام
يضحك ويبكي ويوعظ بالانجيل وبالمصحف كانه امام
فيه ناس كتيره ياحسره عاشت علي الاوهام
واللي معاه ف المجالس بالقرش بقوا خدام
واللي عينيه ع الحقيقه مرغم يبيعها بكام
واللي رفض ينطوي له ,نكدي وابن حرام
يلعب به اصغر غفير ويلبسوله خطام
العمده صاحب مزاج وارث و ابو السلطين
ووارث المخ عن والده وشب فطين
يشهد له شيخ البلد والرجال قاعدين
ويفكر العمدة ف الشله اللي مش ساكتين
ايه يعني فيها عرايا ايه يعني فيه مساكين
ايه يعني ناس مشتهيه عايشين ومش عايشين
ايه يعني شبان تدور شغل مش لاقيين
بيبصوا دايما علي الاحوال ومش راضيين
ابويا قسم كده والارض ورد وطين
جمع شويه غناي وكبارصحابه كاس
ايه العمل ف البلد دي دبروني ياناس
انتو اللي عينكم ملانه وهتخدموا باخلاص
عايزين نعيش ف البلد ما فيناش لوجع الراس
بينهم كبير من سنين لكل عمده مداس
قاله بسيطه ياعمده ادعي للوالد
سابلك شويه ورق للحكم ف الكراس
البطن مفتاح ياعمده . املاها تعمي العين
وزع شويه دقيق ولحمه ع المساكين
تلقي البلد تدعيلك بالستر دنيا ودين
وكام وظيفه خفيفه سيبها للعاطلين
تلقي السهاري بتكتر ع القهوة والدكاكين
والصيت يلف البلد دا الشغل بالملايين
الناس تغني بكرمك واللي يراجع مين
وانت كبير ف الكلام قول( الجيران حلوين )
وافتح عليهم طريق قيمة كده شهرين
وبعدهااقفل ياسيدي اللي يحوشك مين
نحرج عيال بن عاكف ال مش نايمين
بالليل بيدعوا عليك وبالنهار سارحين
بيلسنوا ف الجوامع دايما ومش قاعدين
شيخ الغفر والحكيم وعامل التموين
وخضير بتاع الزراعه وكام شوال فاضيين
نقول عليهم ديابه ونقول عيال واطيين
سرقوا فلوس الناس لعبوا شمال ويمين
لما يغوروا ف داهبه الناس دماغها يلين
ويقولوا صاحب رسالة وشديد علي الظالمين
العمدة زي الجدع قام نفذ المطلوب
نفسه يكون بالاونطة ف البلد محبوب
دور دماغ الناس والوضع بقي مقلوب
قالوا دال عمده عسل هوه دا المطلوب
بس اللي حب البلد فاهم الملعوب
الناس بتاكل سلف والجيب فضل مخروب
والدين يزيد ع الغلابة والقفا مضروب
والشعب من غير جنيه م الغفر مركوب
-
عزا كبير ف البلد واتجمعوا البهوات
لافيه دموع ع الخدود غيرش زعاق وصوات
لا وليه قالت ياجملي , ولا سمعنا عياط
وناس تجرجر شيخ عمه وجوز عبايات
بالعافية بالذوق راح تقرا ياشيخ شحات
وهلف ماسك عصاية بيلطم الستات
وناس بترمي سواد ع العشة والعمارات
القصد من غير اسف عمدة بلدنا مات
ف الدار مفيش شكل موته والوضع مش معقول
والنعش فاضي هتدفن ايه ياشيخ بهلول
قاللي ده وضع العمد باين عليك مخبول
العمده مات من زمان من غير ماحد يقول
والست ماسكه البلد الحول يجر الحول
ولما كبر الوريث واجب بقي تعلن
( العمده مات يابلد), شكل الولد مقبول
يعني كلام بن عيسي صح ف المليان
لما لسانه زلف ( والعمده كان عيان )
الا وناس مخبرين جامدين كما الحيطان
لازم تبطل كلام هنا وف الغيطان
دا انت معيطش علي العمده با شيخ شعبان
ف الصورة مرتك ملطمتشي مع النسوان
انتو اللي غير البلد فيكم زياده لسان
والشعب برده غلط لما طلع له ودان
وفر مني خيالي بيرجع اللي فات
بر ده جنازة كبير زي النهار ده مات
فرضو علينا البكا واللطم والاهات
واللي مليح في النواح ياخذ عشر درجات
ومشينا بالنعش فاضي مسافات علي مسافات
وكتير بياخدوا العزا شنبات بدون مقامات
وستة مليون صنم مبدورة ف الطرقات
صورة الزعيم ف البيوت والجيب كما البطاقات
مكتوب عليك بالعصا تبكي علي اللي مات
واتسلم الحكم للمخلوف ف مجلس عام
من حق مين يعترض كل الكبار اختام
العمده شكله صغير لكن صنايعي كلام
يضحك ويبكي ويوعظ بالانجيل وبالمصحف كانه امام
فيه ناس كتيره ياحسره عاشت علي الاوهام
واللي معاه ف المجالس بالقرش بقوا خدام
واللي عينيه ع الحقيقه مرغم يبيعها بكام
واللي رفض ينطوي له ,نكدي وابن حرام
يلعب به اصغر غفير ويلبسوله خطام
العمده صاحب مزاج وارث و ابو السلطين
ووارث المخ عن والده وشب فطين
يشهد له شيخ البلد والرجال قاعدين
ويفكر العمدة ف الشله اللي مش ساكتين
ايه يعني فيها عرايا ايه يعني فيه مساكين
ايه يعني ناس مشتهيه عايشين ومش عايشين
ايه يعني شبان تدور شغل مش لاقيين
بيبصوا دايما علي الاحوال ومش راضيين
ابويا قسم كده والارض ورد وطين
جمع شويه غناي وكبارصحابه كاس
ايه العمل ف البلد دي دبروني ياناس
انتو اللي عينكم ملانه وهتخدموا باخلاص
عايزين نعيش ف البلد ما فيناش لوجع الراس
بينهم كبير من سنين لكل عمده مداس
قاله بسيطه ياعمده ادعي للوالد
سابلك شويه ورق للحكم ف الكراس
البطن مفتاح ياعمده . املاها تعمي العين
وزع شويه دقيق ولحمه ع المساكين
تلقي البلد تدعيلك بالستر دنيا ودين
وكام وظيفه خفيفه سيبها للعاطلين
تلقي السهاري بتكتر ع القهوة والدكاكين
والصيت يلف البلد دا الشغل بالملايين
الناس تغني بكرمك واللي يراجع مين
وانت كبير ف الكلام قول( الجيران حلوين )
وافتح عليهم طريق قيمة كده شهرين
وبعدهااقفل ياسيدي اللي يحوشك مين
نحرج عيال بن عاكف ال مش نايمين
بالليل بيدعوا عليك وبالنهار سارحين
بيلسنوا ف الجوامع دايما ومش قاعدين
شيخ الغفر والحكيم وعامل التموين
وخضير بتاع الزراعه وكام شوال فاضيين
نقول عليهم ديابه ونقول عيال واطيين
سرقوا فلوس الناس لعبوا شمال ويمين
لما يغوروا ف داهبه الناس دماغها يلين
ويقولوا صاحب رسالة وشديد علي الظالمين
العمدة زي الجدع قام نفذ المطلوب
نفسه يكون بالاونطة ف البلد محبوب
دور دماغ الناس والوضع بقي مقلوب
قالوا دال عمده عسل هوه دا المطلوب
بس اللي حب البلد فاهم الملعوب
الناس بتاكل سلف والجيب فضل مخروب
والدين يزيد ع الغلابة والقفا مضروب
والشعب من غير جنيه م الغفر مركوب
-
هناك تعليق واحد:
يا حبيبلي ميزة كتاباتك الانطلاق من القلب، والعفوية البلاغية تنساب إلى القلوب فتتمدد باتساع الأرض، وتصفز صفاء القطر النازل من السماء.
أحبك في الله
إرسال تعليق